മലപ്പുറത്ത് ഫുട്ബോൾ ആവേശം: അർജന്റീന-ബ്രസീൽ സ്വപ്‌ന ഫൈനലിന് ഞായറാഴ്ച അരങ്ങൊരുങ്ങുന്നു

 

മലപ്പുറം : 2026 ഫിഫ വേൾഡ് കപ്പ് ഫുട്ബോൾ ടൂർണമെന്റിന് വരവേറ്റുകൊണ്ട് മലപ്പുറം നഗരസഭയുടെ ആഭിമുഖ്യത്തിൽ ജൂൺ 7 ഞായറാഴ്ച വൈകുന്നേരം 4 മണി മുതൽ കോട്ടപ്പടി ഫുട്ബോൾ സ്റ്റേഡിയത്തിൽ ബ്രസീൽ-അർജന്റീന പ്രതീകാത്മക സ്വപ്‌ന ഫൈനൽ മത്സരം സംഘടിപ്പിക്കുന്നു.

കേരളത്തിലെ ഏറ്റവും വലിയ ഫുട്ബോൾ ആരാധക കൂട്ടായ്‌മകളിലൊന്നായ മലപ്പുറത്തിൻ്റെ ഫുട്ബോൾ ആവേശം പ്രതിഫലിപ്പിക്കുന്ന മത്സരത്തിൽ ഇന്ത്യൻ അന്താരാഷ്ട്ര താരങ്ങളായ Anas Edathodika, Sahal Abdul Samad, Ashique Kuruniyan, Mashoor Shereef എന്നിവർ ഉൾപ്പെടെ പ്രമുഖ താരങ്ങൾ അണിനിരക്കും.

മലപ്പുറത്തിൻ്റെ ഫുട്ബോൾ പാരമ്പര്യവും കായിക സംസ്കാരവും വിളിച്ചോതുന്ന ഈ മത്സരം വൈകുന്നേരം 4 മണിക്ക് ബഹു. കേരള ഐടി വ്യവസായ വകുപ്പ് മന്ത്രി പി.കെ കുഞ്ഞാലിക്കുട്ടി ഉദ്ഘാടനം ചെയ്യും.