വർഷങ്ങളുടെ കാത്തിരിപ്പിന് വിരാമം; മഞ്ചേരി ഇന്ദിരാഗാന്ധി ബസ് ടെർമിനലിൽ കെ.എസ്.ആർ.ടി.സി സ്റ്റേഷൻ മാസ്റ്റർ ഓഫീസ് പുനരാരംഭിച്ചു!

 

മഞ്ചേരിയിലെ ജനങ്ങളുടെയും യാത്രക്കാരുടെയും ഏറെക്കാലത്തെ ആവശ്യവും കാത്തിരിപ്പുമാണ് ഇന്ന് യാഥാർത്ഥ്യമായിരിക്കുന്നത്. ഇന്ദിരാഗാന്ധി ബസ് ടെർമിനലിൽ താത്കാലികമായി പ്രവർത്തനം നിലച്ചിരുന്ന കെ.എസ്.ആർ.ടി.സി സ്റ്റേഷൻ മാസ്റ്റർ ഓഫീസിന്റെ ഉദ്ഘാടനം ബഹുമാനപ്പെട്ട മഞ്ചേരി എം.എൽ.എ അഡ്വ. എം. റഹ്മത്തുള്ള നിർവ്വഹിച്ചു.

ഓഫീസ് പ്രവർത്തനം പുനരാരംഭിച്ചതോടെ, മഞ്ചേരി കേന്ദ്രീകരിച്ച് സർവീസ് നടത്തുന്ന മുഴുവൻ കെ.എസ്.ആർ.ടി.സി ബസുകളും ഇനിമുതൽ നിർബന്ധമായും സ്റ്റാൻഡിൽ കയറി ഇറങ്ങുന്നതായിരിക്കും. യാത്രക്കാർക്ക് കൃത്യമായ സമയവിവരങ്ങൾ ലഭിക്കുന്നതിനും സുഗമമായ യാത്ര ഉറപ്പാക്കുന്നതിനും ഇത് ഏറെ സഹായകരമാകും.

📌 സേവന സമയം:

നിലവിൽ രാവിലെ 9:00 മണി മുതൽ വൈകീട്ട് 5:00 മണി വരെ ഓഫീസിന്റെ സേവനം ലഭ്യമായിരിക്കും. ഇതിനായി ഒരു ജീവനക്കാരനെയും ഡ്യൂട്ടിക്ക് ചുമതലപ്പെടുത്തിയിട്ടുണ്ട്.