*എ.ആർ. നഗർ* | ജി.യു.പി.എസ്. എ.ആർ. നഗർ സ്കൂളിൽ 2026 ഫിഫ ലോകകപ്പിനെ വരവേൽക്കുന്നതിന്റെ ഭാഗമായി വിവിധ കായിക-വിജ്ഞാന മത്സരങ്ങൾ സംഘടിപ്പിച്ചു. വിദ്യാർത്ഥികളിൽ ഫുട്ബോളിനോടുള്ള താൽപര്യവും കായികമനോഭാവവും വളർത്തുക എന്ന ലക്ഷ്യത്തോടെയായിരുന്നു പരിപാടികൾ.
പരിപാടിയുടെ ഉദ്ഘാടനം പ്രധാനാധ്യാപകൻ ആബിദ് മാസ്റ്റർ നിർവഹിച്ചു.
ലോകകപ്പ് ഫുട്ബോൾ രാജ്യങ്ങളുടെ പങ്കാളിത്തം ഉൾക്കൊള്ളുന്ന രീതിയിൽ നടത്തിയ മത്സരങ്ങളിൽ വിദ്യാർത്ഥികൾ ആവേശപൂർവം പങ്കെടുത്തു. രാജ്യങ്ങളെ പ്രതിനിധീകരിച്ച് നടന്ന മത്സരങ്ങളിൽ അർജന്റീന ടീം വിജയികളായി.
വിദ്യാർത്ഥികൾക്കായി ഷൂട്ടൗട്ട് മത്സരം, ലോകകപ്പ് ക്വിസ് മത്സരം എന്നിവയും സംഘടിപ്പിച്ചു. മത്സരങ്ങൾ കുട്ടികളിൽ വലിയ ആവേശം സൃഷ്ടിക്കുകയും കായിക-വിജ്ഞാന മേഖലകളിൽ അവരുടെ കഴിവുകൾ പ്രകടിപ്പിക്കുന്നതിന് അവസരമൊരുക്കുകയും ചെയ്തു.
പരിപാടികൾക്ക് രേഷ്മ ടീച്ചർ, റാബിയ ടീച്ചർ, നിത്യ ടീച്ചർ, സുചിത്ര ടീച്ചർ, ശഹീദ് മാസ്റ്റർ, ഷഫീഖ് മാഷ്, സുബീഷ് മാഷ്, വിജില ടീച്ചർ, ഇജാസ് മാഷ്, ബിന്ദു ടീച്ചർ, ഷഹ്ന ടീച്ചർ എന്നിവർ നേതൃത്വം നൽകി.
ലോകകപ്പ് ആഘോഷങ്ങൾക്ക് തുടക്കമിട്ട ഈ പരിപാടി വിദ്യാർത്ഥികളിൽ ഫുട്ബോൾ ആവേശം പകരുകയും കായികമനോഭാവം വളർത്തുകയും ചെയ്ത ശ്രദ്ധേയമായ ഒരു അനുഭവമായി മാറി.
0 Comments