തായ്‌ക്വോണ്ടോ അന്താരാഷ്ട്ര ചാമ്പ്യൻഷിപ്പിൽ മലയാളിക്ക് വെള്ളിമെഡൽ

 

പരപ്പനങ്ങാടി: തായ്‌ലാൻഡിലെ പട്ടായയിൽ നടന്ന 9-ാമത് ഹീറോസ് തായ്‌ക്വോണ്ടോ ഇന്റർനാഷണൽ ചാമ്പ്യൻഷിപ്പിൽ പരപ്പനങ്ങാടി പാലത്തിങ്ങൽ സ്വദേശി കളത്തിൽ വലീദ് സിൽവർ മെഡൽ നേടി.

നിലവിൽ ദുബായിലെ ഡിഫൻഡേഴ്സ് സെൽഫ് ഡിഫൻസ് അക്കാദമിയുടെ ഹെഡ് കോച്ചായി പ്രവർത്തിക്കുന്ന വലീദാണ് മലയാളികൾക്ക് അഭിമാനകരമായ ഈ നേട്ടം കൈവരിച്ചത്.

30 വയസ്സിന് മുകളിലുള്ളവരുടെ 70 കിലോയിൽ താഴെയുള്ള ഭാരവിഭാഗത്തിലെ ക്യോറുഗി മത്സരത്തിലാണ് വലീദ് സിൽവർ മെഡൽ സ്വന്തമാക്കിയത്.

അന്താരാഷ്ട്ര വേദിയിൽ നേടിയ ഈ നേട്ടം പരപ്പനങ്ങാടിക്കും കേരളത്തിനും അഭിമാനമായി.