നാല് വർഷ ബിരുദധാരികൾക്കായി ഒരു വർഷ പിജി കോഴ്സുകൾ ആരംഭിച്ച് ഇഗ്നോ

 

നാലു വർഷ ബിരുദം പൂർത്തിയാക്കിയ വിദ്യാർത്ഥികൾക്ക് ഉപരിപഠന അവസരമൊരുക്കുന്നതിന്റെ ഭാഗമായി ഇന്ദിരാഗാന്ധി നാഷനൽ ഓപ്പൺ യൂണിവേഴ്‌സിറ്റി (ഇഗ്നോ) ഒരു വർഷ പോസ്റ്റ് ഗ്രാജുവേറ്റ് (പിജി) കോഴ്സുകൾ ആരംഭിച്ചു.

ബിരുദാനന്തര ബിരുദ പഠനത്തിന് സീറ്റുകളില്ലെന്ന വിദ്യാർത്ഥികളുടെ തുടർച്ചയായ പരാതികൾക്കും ആശങ്കകൾക്കും പരിഹാരമായാണ് യൂണിവേഴ്‌സിറ്റിയുടെ ഈ സുപ്രധാന തീരുമാനം. പുതിയ ദേശീയ വിദ്യാഭ്യാസ നയത്തിന്റെ (NEP) മാനദണ്ഡങ്ങൾ പൂർണ്ണമായും ഉൾക്കൊണ്ടും, യൂണിവേഴ്‌സിറ്റി ഗ്രാൻഡ്‌സ് കമ്മീഷന്റെ (UGC) നിബന്ധനകൾ കൃത്യമായി പാലിച്ചുമാണ് പുതിയ കോഴ്‌സുകൾ രൂപകൽപ്പന ചെയ്‌തിരിക്കുന്നത്.

നിലവിൽ ഇക്കണോമിക്സ്, സോഷ്യോളജി, ഹിസ്റ്ററി, ഇംഗ്ലീഷ്, ഹിന്ദി, സംസ്കൃതം, ഉറുദു, ജേണലിസം ആൻഡ് മാസ് കമ്യൂണിക്കേഷൻ തുടങ്ങിയ വിവിധ വിഷയങ്ങളിൽ എംഎ (MA) കോഴ്സുകളും, ഒപ്പം എംകോം (MCom) കോഴ്സുമാണ് ഇഗ്നോ ഈ പദ്ധതിയിലൂടെ ലഭ്യമാക്കിയിട്ടുള്ളത്.

വിദ്യാഭ്യാസ രംഗത്ത് വലിയ മാറ്റങ്ങൾക്ക് വഴിതുറക്കുന്ന ഈ പുതിയ സംരംഭം ഉന്നത വിദ്യാഭ്യാസ മേഖലയിൽ വിദ്യാർത്ഥികൾക്ക് ഏറെ ഗുണം ചെയ്യുമെന്നാണ് പ്രതീക്ഷിക്കുന്നത്.