കേരളത്തില് വ്യാഴാഴ്ച മുതല് കനത്ത മഴയ്ക്ക് സാധ്യതയെന്ന് കേന്ദ്രകാലാവസ്ഥ വകുപ്പ്. മേയ് 14 മുതല് 16 വരെ ഒറ്റപ്പെട്ടയിടങ്ങളിലാണ് മഴയ്ക്ക് സാധ്യത.
മണിക്കൂറില് 50 കിലോമീറ്റർ വരെ വേഗതയിലുള്ള കാറ്റിനും സാധ്യതയുണ്ട്.
ഈ ആഴ്ച അവസാനത്തോടെ തെക്കൻ ബംഗാള് ഉള്ക്കടലിന്റെ ചില ഭാഗങ്ങള്, ആൻഡമാൻ കടല്, ആൻഡമാൻ നിക്കോബാർ ദ്വീപുകള് എന്നിവിടങ്ങളില് തെക്കുപടിഞ്ഞാറൻ കാലവർഷം എത്തിയേക്കുമെന്നും കാലാവസ്ഥ വകുപ്പ് അറിയിക്കുന്നു.
തെക്കുപടിഞ്ഞാറൻ ഉള്ക്കടലില് ന്യൂനമർദം നിലനില്ക്കുന്നുണ്ടെന്നും അടുത്ത 48 മണിക്കൂറിനുള്ളില് ന്യൂനമർദം കൂടുതല് ശക്തിപ്പെടാൻ സാധ്യതയെന്നും കാലാവസ്ഥ വകുപ്പ് മുന്നറിയിപ്പ് നല്കി.
0 Comments