കൊല്ലപ്പെട്ടിട്ട് ഏഴ് ആഴ്ചകള്‍; ആയത്തുള്ള ഖമനയിയുടെ മൃതദേഹം ഇനിയും സംസ്‌കരിക്കാതെ ഇറാന്‍ ഭരണകൂടം; റിപ്പോർട്ട്

 

ടെഹ്‌റാന്‍: കൊല്ലപ്പെട്ടിട്ട് ഏഴ് ആഴ്ചകള്‍ പിന്നിട്ടിട്ടും ഇറാന്റെ പരമോന്നത നേതാവായിരുന്ന ആയത്തുള്ള അലി ഖമനയിയുടെ മൃതദേഹം ഇറാന്‍ ഭരണകൂടം ഇനിയും സംസ്‌കരിച്ചിട്ടില്ലെന്ന് റിപ്പോര്‍ട്ട്. ഇസ്രയേല്‍-യുഎസ് ആക്രമണ ഭീഷണി നിലനില്‍ക്കുന്ന സാഹചര്യത്തിലും ബഹുജന ഒത്തുചേരലുകളില്‍ സംഘര്‍ഷ സാധ്യത കണക്കിലെടുത്തുമാണ് സംസ്‌കാര ചടങ്ങ് ഭരണകൂടം നീട്ടുന്നതെന്നാണ് റിപ്പോര്‍ട്ടുകള്‍.

നിലവിലെ സാഹചര്യത്തില്‍ സംസ്‌കാര ചടങ്ങുകളുമായി മുന്നോട്ട് പോകാന്‍ ഭരണകൂടം വിമുഖത കാണിക്കുന്നതായി ഫൗണ്ടേഷന്‍ ഫോര്‍ ഡിഫന്‍സ് ഓഫ് ഡെമോക്രസിയിലെ ബെഹ്നം തല്ലേബ്ലു പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തു. ഇറാന്റെ പാരമ്പര്യമനുസരിച്ച് ഭൗതികാവശിഷ്ടങ്ങള്‍ സംസ്‌കരിച്ചിട്ടില്ല എന്നത് അസാധാരണമാണ്. പ്രതിഷേധ സാധ്യത കണക്കിലെടുത്ത് സര്‍ക്കാര്‍ ജാഗ്രത പുലര്‍ത്തുമെന്നും അദ്ദേഹം വ്യക്തമാക്കി.