കൊച്ചി: ഇന്ത്യൻ സൂപ്പർ ലീഗില് തകർപ്പൻ ഫോം തുടർന്ന് കേരള ബ്ലാസ്റ്റേഴ്സ്. ആവേശകരമായ പോരാട്ടത്തില് എതിരില്ലാത്ത രണ്ട് ഗോളുകള്ക്ക് ജംഷഡ്പൂർ എഫ്സിയെ ബ്ലാസ്റ്റേഴ്സ് മുട്ടുകുത്തിച്ചു (Kerala Blasters,)
മലയാളി യുവതാരങ്ങളുടെ മിന്നും പ്രകടനമാണ് കൊച്ചിയിലെ കലൂർ സ്റ്റേഡിയത്തില് മഞ്ഞപ്പടയ്ക്ക് കരുത്തായത്.
മലയാളി താരങ്ങളായ നിഹാല് സുധീഷും വിപിൻ മോഹനും നടത്തിയ തകർപ്പൻ പ്രകടനമാണ് വിജയത്തില് നിർണ്ണായകമായത്. പുതിയ പരിശീലകൻ ആഷ്ലി വെസ്റ്റ്വുഡിന് കീഴില് ടീം കൈവരിച്ച അച്ചടക്കവും ആക്രമണ ശൈലിയും ആരാധകർക്ക് വലിയ പ്രതീക്ഷയാണ് നല്കുന്നത്. ബംഗളൂരു എഫ്സിയെ തോല്പ്പിക്കുകയും നോർത്ത് ഈസ്റ്റിനെതിരെ സമനില പിടിക്കുകയും ചെയ്ത ടീം, ഇപ്പോള് ജംഷഡ്പൂരിനെതിരെയും ആധിപത്യം പുലർത്തിയിരിക്കുകയാണ്.
സീസണിന്റെ ഒരു ഘട്ടത്തില് നേരിട്ട റെലഗേഷൻ ഭീഷണിയില് നിന്ന് ഈ വിജയത്തോടെ ബ്ലാസ്റ്റേഴ്സ് പൂർണ്ണമായും മുക്തമായി. പോയിന്റ് പട്ടികയില് മുന്നിലേക്ക് കയറാനുള്ള ടീമിന്റെ ശ്രമങ്ങള്ക്ക് ഈ മൂന്ന് പോയിന്റുകള് വലിയ ഊർജ്ജമാകും. ഏപ്രില് 23ന് ഒഡീഷ എഫ്സിക്കെതിരെയാണ് ബ്ലാസ്റ്റേഴ്സിന്റെ അടുത്ത പോരാട്ടം. ആവേശകരമായ ഈ സീസണ് ഫിനിഷിനായി കാത്തിരിക്കുകയാണ് ആരാധകർ.
#keralablasters #kochi #KeralaBlastersFC
0 Comments