കനത്ത ചൂടിൽ രാത്രി ജനൽ തുറന്നിട്ടു കിടന്നു; യുവതിയുടെ സ്വർണ്ണപ്പാദസരം കള്ളൻ മുറിച്ചെടുത്തു; കാലിലെ വേദന കൊണ്ട് ഉണർന്നപ്പോൾ കള്ളനെ നേരിൽ കണ്ടു; പിന്നാലെ പോലീസിന്റെ മുന്നറിയിപ്പ്..!

വീടിനുള്ളിൽ ഉറങ്ങിക്കിടക്കുകയായിരുന്ന യുവതിയുടെ മൂന്നേമുക്കാൽ പവന്റെ സ്വർണ്ണപ്പാദസരം കവർന്നു. വണ്ടൂർ ശാന്തിനഗർ അക്കരപ്പറമ്പൻ അബ്ദുവിന്റെ മകൾ നജ്‌ലയുടെ പാദസരമാണ് മോഷ്ടാവ് മുറിച്ചെടുത്തത്.

ഇന്നലെ പുലർച്ചെയായിരുന്നു സംഭവം. കനത്ത ചൂട് കാരണം ജനലുകൾ തുറന്നിട്ട് ഉറങ്ങിയതായിരുന്നു മോഷ്ടാവിന് തക്കം ലഭിച്ചത്. വലതുകാലിൽ വേദന അനുഭവപ്പെട്ടതിനെത്തുടർന്ന് നജ്‌ല ഉണർന്ന് നോക്കിയപ്പോഴാണ് ജനലിന് സമീപം നിൽക്കുന്ന മോഷ്ടാവിനെ കണ്ടത്.

ഉടൻതന്നെ ബഹളം വെച്ചെങ്കിലും വീട്ടുകാർ ഓടിയെത്തുമ്പോഴേക്കും പാദസരങ്ങളുമായി മോഷ്ടാവ് കടന്നുകളഞ്ഞിരുന്നു. സംഭവസമയത്ത് നജ്‌ലയെ കൂടാതെ ഏഴോളം പേർ വീട്ടിലുണ്ടായിരുന്നു. വീട്ടുകാരുടെ ഉറക്കത്തിനിടയിൽ ജനൽ വഴി കൈയിട്ടാണ് മോഷ്ടാവ് കവർച്ച നടത്തിയത്.

സംഭവത്തിൽ വണ്ടൂർ പോലീസ് കേസെടുത്ത് അന്വേഷണം ആരംഭിച്ചു. ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തിയിട്ടുണ്ട്. പ്രദേശത്തെ സിസിടിവി ക്യാമറകൾ കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്.

വേനൽക്കാലത്ത് ജനലുകൾ തുറന്നിട്ട് ഉറങ്ങുന്ന വീടുകൾ കേന്ദ്രീകരിച്ച് മോഷണസംഘങ്ങൾ സജീവമാകാൻ സാധ്യതയുണ്ടെന്ന് പോലീസ് മുന്നറിയിപ്പ് നൽകി. ഗ്രാ​മ​പ്ര​ദേ​ശ​ങ്ങ​ളി​ൽ ഒ​റ്റ​പ്പെ​ട്ട​തും അ​ല്ലാ​ത്ത​തു​മാ​യ വീ​ടു​ക​ൾ കേ​ന്ദ്രീ​ക​രി​ച്ച് ജ​ന​ൽ വ​ഴി സ്വ​ർ​ണാ​ഭ​ര​ണ​ങ്ങ​ൾ ക​വ​രാ​ൻ മോ​ഷ്ടാ​ക്ക​ൾ രാ​ത്രി​യി​ൽ ഇ​നി​യും എ​ത്താ​നി​ട​യു​ണ്ട്. അ​തി​നാ​ൽ ജ​ന​ൽ​ തു​റ​ന്നി​ട്ട് സ​മീ​പ​ത്ത് ക​ട്ടി​ലി​ൽ കി​ട​ന്നു​റ​ങ്ങ​രു​തെ​ന്നാ​ണ് പൊ​ലീ​സിൻ്റെ മു​ന്ന​റി​യി​പ്പ്.

ചൂട് നല്ലപോലെ കുറയുന്നതിനാൽ ജ​ന​ങ്ങ​ൾ ഏ​റ്റ​വും ന​ന്നാ​യി ഉ​റ​ങ്ങു​ന്ന പു​ല​ർ​ച്ച ര​ണ്ടി​ന് ശേ​ഷ​മു​ള്ള സ​മ​യ​ങ്ങ​ളി​ലാ​ണ് മോ​ഷ​ണ​ങ്ങ​ൾ കൂ​ടു​ത​ലാ​യും ഉ​ണ്ടാ​കു​ന്ന​തെന്നും പൊലീസ്.