നാളെ മുതൽ ഒക്ടോബർ മൂന്ന് വരെ ശക്തമായ മഴയ്ക്ക് സാധ്യത; 40 കി.മി വേഗതയിൽ കാറ്റും, മുന്നറിയിപ്പുമായി കാലാവസ്ഥാ വകുപ്പ്

 

               

*തിരുവനന്തപുരം:* സംസ്ഥാനത്ത് നാളെ മുതൽ (30/06/2026) ഒക്ടോബർ മൂന്ന് വരെ ശക്തമായ മഴയ്ക്കും, കാറ്റിനും സാധ്യതയെന്ന് മുന്നറിയിപ്പ്. ഒറ്റപ്പെട്ട ഇടങ്ങളിൽ ഇടിയോട് കൂടിയ ശക്തമായ മഴയും മണിക്കൂറിൽ 40-50 കിലോമീറ്റർ വരെ വേഗതയിൽ ശക്തമായ കാറ്റും ഉണ്ടായേക്കാമെന്നാണ് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിരിക്കുന്നത്. രണ്ട് ജില്ലകൾക്ക് മഴ മുന്നറിയിപ്പുണ്ട് പത്തനംതിട്ട, ഇടുക്കി ജില്ലകളിൽ ആണ് നാളെ മഴ മുന്നറിയിപ്പ് നൽകിയിരിക്കുന്നത്. ഈ രണ്ടുജില്ലകളിലും യെല്ലോ അലേർട്ടാണ് പ്രഖ്യാപിച്ചിരിക്കുന്നത്. ഒറ്റപ്പെട്ട ഇടങ്ങളിൽ ശക്തമായ മഴ ഉണ്ടായേക്കാമെന്നാണ് മുന്നറിയിപ്പിൽ പറയുന്നത്. 4 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതുകൊണ്ട് ഉദ്ദേശിക്കുന്നത്

ഈ ദിവസങ്ങളിൽ കേരള തീരത്ത് മത്സ്യ ബന്ധനത്തിനും വിലക്കേർപ്പെടുത്തിയിട്ടുണ്ട്. മാത്രമല്ല, ഇന്ന് മധ്യ കിഴക്കൻ ബംഗാൾ ഉൾക്കടലിൽ മണിക്കൂറിൽ 45 മുതൽ 55 കിലോമീറ്റർ വരെയും, മണിക്കൂറിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ആയതിനാൽ ഈ പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളതല്ലെന്നും ജാഗ്രത പാലിക്കണമെന്നും കാലാവസ്ഥാ വകുപ്പിന്റെ മുന്നറിയിപ്പിൽ പറയുന്നു.

l