റിയാദ്: സഊദി അറേബ്യയിലെ പ്രവാസികൾക്ക്പുതിയ സേവനം പ്രഖ്യാപിച്ച് സഊദി ആഭ്യന്തര മന്ത്രാലയം. ജനന മരണ സർട്ടിഫിക്കറ്റുകൾ അബ്ശിർ ഓൺലൈൻ സർവീസ് വഴി തിരുത്താനുള്ള സൗകര്യമാണ് ആഭ്യന്തരമന്ത്രാലയം പ്രഖ്യാപിച്ചത്. മന്ത്രാലയ അണ്ടർ സെക്രട്ടറി കേണൽ സാലിഹ് ബിൻ സഅദ് അൽമുറബ്ബ ഇത് സംബന്ധിച്ച് ഉത്തരവിറക്കി.
നിലവിൽ സഊദിയിൽ ജനിച്ചവരുടെ ജനന സർട്ടിഫിക്കറ്റുകളിലെയും മരണ സർട്ടിഫിക്കറ്റുകളിലെയും അപാകതകൾ തിരുത്താൻ അഹവാലുൽ മദനി ഓഫീസുകളിൽ നേരിട്ട് പോകേണ്ടിയിരുന്നു. ഇത് പ്രവാസികൾക്ക് ഏറെ ബുദ്ധിമുട്ട് പലപ്പോഴും ഉണ്ടാകാറുണ്ട്. ഓൺലൈൻ വഴി പുതിയ സേവനം വന്നതോടെ ഇനി ഇതിൽ പ്രവാസികൾക്ക് വലിയൊരു ആശ്വാസമാകും.
റിയാദിലെ ജവാസാത്ത് ആസ്ഥാനത്ത് നടന്ന ചടങ്ങിൽ അബ്‌ശിറിലെ പുതിയ ഓൺലൈൻ സേവനങ്ങളെ മന്ത്രാലയ അണ്ടർ സെക്രട്ടറി കേണൽ സാലിഹ് ബിൻ സഅദ് അൽമുറബ്ബ പരിചയപ്പെടുത്തി.
ഡിജിറ്റൽ പരിവർത്തനത്തിൽ ആഭ്യന്തര മന്ത്രാലയത്തിന്റെ ശ്രമങ്ങൾ മെച്ചപ്പെടുത്തുക, പൗരന്മാർക്കും താമസക്കാർക്കും മികച്ചതും നൂതനവുമായ പരിഹാരങ്ങൾ നൽകുക, സമയവും പരിശ്രമവും ലാഭിക്കുക, സിവിൽ സ്റ്റാറ്റസ് സേവനങ്ങളുടെ ഗുണനിലവാരം മെച്ചപ്പെടുത്തുക എന്നിവയാണ് ഈ സാങ്കേതിക പദ്ധതികളുടെയും ഇലക്ട്രോണിക് സേവനങ്ങളുടെയും ലക്ഷ്യം.
0 Comments