വളർത്തുനായ്ക്കൾക്ക് ആർ.എഫ്.ഐ.ഡി ചിപ്പ് നിർബന്ധമാക്കാൻ സർക്കാർ നീക്കം; തെരുവിൽ ഉപേക്ഷിച്ചാൽ 10,000 രൂപ പിഴ

തിരുവനന്തപുരം: വളർത്തുനായ്ക്കളെ തെരുവിൽ ഉപേക്ഷിക്കുന്നവർക്ക് 10,000 രൂപ വരെ പിഴ ഈടാക്കാനായി പഞ്ചായത്ത്, നഗരസഭ ലൈസൻസിങ് ചട്ടങ്ങളിൽ ഭേദഗതി വരുത്തുന്നു.

വളർത്തുനായ്ക്കളുടെയും പെറ്റ് ഷോപ്പുകളിൽ വിൽക്കുന്ന കുഞ്ഞുങ്ങളുടെയും മേൽ നിരീക്ഷണം ശക്തമാക്കുന്നതിൻ്റെ ഭാഗമായി അവയിൽ ആർ.എഫ്.ഐ.ഡി ചിപ് ഘടിപ്പിക്കുന്ന പദ്ധതിയും സർക്കാരിന്റെ പരിഗണനയിലുണ്ട്.

നായ്ക്കളെ നഷ്ടപ്പെട്ടാൽ എളുപ്പത്തിൽ കണ്ടെത്താൻ സഹായിക്കുന്ന അരിമണിയുടെ വലുപ്പത്തിലുള്ള ഈ ചിപ്പ്, നായ്ക്കളുടെ ചർമത്തിനടിയിലാണ് സ്ഥാപിക്കുന്നത്. ഉപേക്ഷണത്തിനെതിരെ കർശന നടപടി: വളർത്തുനായ്ക്കളെ തെരുവിൽ ഉപേക്ഷിക്കുന്ന പ്രവണത തടയാൻ ലക്ഷ്യമിട്ടാണ് തദ്ദേശ സ്ഥാപനങ്ങളുടെ ചട്ടങ്ങളിൽ പുതിയ ഭേദഗതികൾ കൊണ്ടുവരുന്നത്.

പെറ്റ് ഷോപ്പുകളിൽ വിൽക്കുന്നവയും വീടുകളിൽ വളർത്തുന്നതുമായ നായ്ക്കളിൽ ആർഎഫ്ഐഡി (റേഡിയോ ഫ്രീക്വൻസി ഐഡന്റിഫിക്കേഷൻ) ചിപ്പ് ഘടിപ്പിക്കുന്ന പദ്ധതി ഉടൻ നടപ്പിലാക്കാൻ ആലോചനയുണ്ട്.

ചിപ്പിന്റെ പ്രത്യേകതകൾ: അരിമണിയുടെ വലുപ്പം മാത്രമുള്ള ഈ ചിപ്പുകൾ നായ്ക്കളുടെ ചർമത്തിനടിയിലാണ് സ്ഥാപിക്കുന്നത്. ഇത് വഴി നായ്ക്കളെ കാണാതായാൽ എളുപ്പത്തിൽ കണ്ടെത്താൻ സാധിക്കും.