കേന്ദ്ര സര്‍ക്കാരിന് കടുത്ത തിരിച്ചടി; വനിതാ സംവരണ നിയമ ദേദഗതി ബില്‍ ലോക്‌സഭയില്‍ പരാജയപ്പെട്ടു

വനിത സംവരണ ഭേദഗതി ബില്‍ ലോക്‌സഭയില്‍ പരാജയപ്പെട്ടു. ഭരണഘടന ഭേദഗതി ബില്‍ പാസാകാന്‍ ആവശ്യമായ മൂന്നില്‍ രണ്ട് ഭൂരിപക്ഷം ലഭിച്ചില്ല.

ഭരണഘടനാ ഭേദഗതി ആയിരുന്നതിനാല്‍ ബില്ലുകള്‍ പാസാകാന്‍ ലോക്സഭയില്‍ മൂന്നില്‍ രണ്ട് ഭൂരിപക്ഷം ആവശ്യമായിരുന്നു. 528 പേര്‍ വോട്ട് ചെയ്തതില്‍ 298 പേര്‍ മാത്രമാണ് ബില്ലിനെ അനുകൂലിച്ചത്. 230 പേര്‍ എതിര്‍ത്തു വോട്ട് ചെയ്തു. മൂന്നില്‍ രണ്ട് ഭൂരിപക്ഷത്തിന് 54 വോട്ടുകളുടെ കുറവില്‍ ബില്ല് പരാജയപ്പെട്ടു.

131ാം ഭരണഘടന ഭേദഗതി ബില്ലിനൊപ്പം അല്ലാതെ മണ്ഡല പുനര്‍നിര്‍ണയ ബില്ലും കേന്ദ്ര ഭരണ പ്രദേശ നിയമഭേദഗതി ബില്ലും കൊണ്ടുവരാന്‍ സാധിക്കില്ല എന്ന് കേന്ദ്രം വ്യക്തമാക്കി. ഇതോടെ മൂന്ന് ബില്ലുകള്‍ക്കും ലോക്‌സഭ കടക്കാനായില്ല.